Thriller - JATHOORA BY ANIL MOHAN

Ak baat bataaiye agar aapko purvavas hone lage, Jo ghatnae nikat bhavisya mai hone wali hai uska aapko pahle hi pta chalne lage to kya hoga.
Ye soch kar aap chakra gye na ki tab to aap ka bura haal ho jayga. Inhi halaton mai is novel ke under Jagmohan uljha hua hai,Qki use Jathoora ke dwara rache gye hadsho ka purva vash hone laga tha.

"JATHOORA BY ANIL MOHAN"


Devraj chauhan do kadam aage nikal gya ya yo kah le ki Makhani hi dhima chal kar do kadam pichhe ho gaya or isi ka fayda uthaya Makhani ne. Pichhe se dande ka bharpur prahar kiya Makhani ne Devraj chauhan ke sir par. Devraj chauhan ke hoton se pira bhari krah nikli. Wo bijli ki teji se pichhe ghuma or dande ko ak hath se pakar liya. Pira or gusse se Devraj chauhan ka chehra bhabhak utha.
Makhani ke honth bhiche hue the.
" To tu Jagmohan nahi hai, Mera sak sahi nikla"
Tabhi Makhani ke jute ki thokar Devraj chauhan ke tango ke bich padi.
Devraj chauhan pira se chikh utha. Danda uske hatho se chhut gai. Dono hatho se apne tang ke jor ko pakar liya.
Pagal ho chuke Makhani ne dono hatho se danda pakar kar khich kar Devraj chauhan ke sar par mara.
Ye war ghatak sidh hua.
Niche ja gira Devraj chauhan. Sar se bahta khoon chahare or fars par bikharne laga.
"Tu thik samjha ki mai Jagmohan nahi hu, Mai Makhani hu- Makhani"
Devraj chauhan behosh ho chuka tha.